Kur bëhet vlerësimi

Vlerësimi zakonisht bëhet çdo tre vite. Nëse një prone i nënshtrohet ndryshimeve, mund të bëhet një vlerësim më herët. Ekzistojnë dy lloje të vlerësimit, Vlerësimi i përgjithshëm dhe Vlerësimi plotësues.

Ky artikull spjegon se kur bëhet vlerësimi.

Ekzistojnë dy lloje të ndryshme të vlerësimit:

• Vlerësimi i përgjithshëm – për të gjitha pronat e një kategorie specifike
• Vlerësimi plotësues – për pronat që i nënshtrohen ndryshimeve

Vlerësimi i përgjithshëm

Vlera e vlerësuar duhet të reflektoj vlerën e tregut. Për të marrë parasysh ndryshimet përgjatë kohës në vlerën e tregut, bëhet një vlerësim i përgjithshëm çdo 3 ose 5 vite.

Në një vlerësim të përgjithshëm, vlerësohen të gjitha pronat në një kategori specifike të pronës. Në këtë vlerësim përcaktohen Zonat e vlerës dhe nivelet e vlerës. Nivelet e vlerës tregojnë vlerën për metër katror brenda një zone specifike të vlerës.

Vlera e vlerësuar, e përcaktuar gjatë një vlerësimi të përgjithshëm, është e vlefshme deri në vlerësimin e përgjithshëm të radhës – përveç nëse prona pëson ndryshime. Kjo domethënë që për shumicën e pronave, vlera e vlerësuar do të jetë e vlefshme për tri vite.

Vlerësimi i përgjithshëm është planifikuar të bëhet si në vijim:

2018	Të gjitha parcelat në të gjitha kategoritë e pronës Objektet bujqësore
2019	Parcelat dhe objektet rezidenciale
2020	Parcelat dhe objektet komerciale Parcelat dhe objektet industriale
2021	Parcelat dhe objektet bujqësore Pyjore
2022	Rezidenciale – të gjitha parcelat dhe objektet
	…vlerësimet e ardhshme sipas intervaleve në ligj.

Vlerësimi plotësues

Për të marrë parasysh ndryshimet në një pronë specifike, mund të bëhet një vlerësim plotësues mes dy vlerësimeve të përgjithshme.

Në vlerësim plotësues vlerësohen vetëm pronat e reja dhe pronat të cilat i janë nënshtruar ndryshimeve. Vlerësimi plotësues do të bëhet secilin vit mes dy vlerësimeve të përgjithshme. Në vlerësim plotësues zbatohen të njëjtat nivele të vlerës sikur në vlerësimin e fundit të përgjithshëm.